hijr kii raat Dhale na Dhale
le Gham-e-jaanaaN ham to chale
diivaane kii maut na puuch
ahl-e-Khirad ne haath male
(ahl-e-Khirad : men of intelligence)
apnii lagan hai apnaa laag
kaun bure aur kaun bhale
duniyaa meN daanaa hai vohii
jo duniyaa ke saath chale
(daanaa : wise)
chashm-e-tamaashaa ye bhii dekh
phuul haNse aur shaaKh jale
(chashm : eyes; shaaKh : branch)
bicchRe hu’e dukh “Saif” hameN
ro ro ke milte haiN gale
Saifuddin Saif
No comments:
Post a Comment