simTe baithe ho kyuN buzdiloN ki tarah
aao maidaan meiN ghaazioN ki tarah
kaun rakhtaa hameiN motion ki tarah
mil gaye khaq meiN aaNsuoN ki tarah
noor-o-nikHat se maamuur yaadeiN terii
khushbuoN ki tarah, jugnuoN ki tarah
raushnii kab itnii mere shehar meiN
jal rahe haiN makaaN mashGaloN ki tarah
daad deejiye ke ham jee rahe haiN wahaaN
haiN muhaafiz jahaaN qaatiloN ki tarah
zindagii ab hamaarii Khataa baksh de
dost milne lage, muhsinoN ki tarah
kaise Allah waale haiN ye ai Khudaa
guftuguu, mashware saazishoN ki tarah
merii baatooN pe haNstii hai duniyaa abhii
maiN sunaa jaooNgaa faisloN ki tarah
tum bhi darbaar meiN haazirii do Hafeez
phir rahe ho kahaaN muflisoN ki tarah
Hafeez Meeruti
No comments:
Post a Comment